2007-12-28

手機使用統計

未接來電10:
2007年8月2日

已接來電10:
2007年10月17日

已撥電話20:
2006年9月25日

有更誇張的記錄嗎?

2007-12-25

午夜屠貓

在夜晚,一開兆山廚房的燈,遍地的大小異強(沒有大強)就會緊急疏散,場面十分壯觀。這亦是老味家的特色。

小時睡不了就會進廚房捉一、兩隻來解悶,而衣車就是小強解剖/分屍機。那種腳長腳幼的蜘蛛就捉來拔腳,有趣之處是,腳被拔出後還會動上一段時間。

但我卻未解決過作為舊日統治者的大強...

2007-12-24

解讀最終列車、女優

最終列車 - 尾班車,亦是兩首歌的歌名
女優 - 女演員、女藝人

不知大家是衝著什麼來看本篇呢?

2007-12-23

紫菜薯條

當年 M 記首次推出 Shake Shake 薯條(當時未有這名字),我一吃完就去了逛街,但途人都用奇異的目光望著我。照鏡一看,發現牙齒黏滿紫菜...

難怪今年的紫菜少了很多,真是用心良苦呢。

友人又搬了

友人搬第十次了(我九次),這次搬來佐敦,亦因此享受到佐敦的特色音樂,包括:
  • 響按交響曲
  • 極速飄移
  • 肈事現場
  • 十萬火急
  • 據理力爭
而我亦再次認清一個事實,我的房間不算大,只是像別人的客廳般大而已。

2007-12-22

不能為妳做什麼

數年來,都沒說過安慰別人的話

因為不在身邊,說再多的話都沒有用
言語沒法安慰別人,僅能安慰話者本身

而且,還存在著我害怕越過的界線
這份時間不應由我去共同累積

累積

搬離兆山後,還是經常回去找一位朋友,離開時總在想:「雖然關係仍然要好,但失去太多可以共同經歷的事了。因為,我不屬於這兒了。」

2007-12-21

點出沒注意

買顯示器、遊戲機要留意有沒有光點、死點。
買麵包、吃麵包就要留意有沒有黑點、綠點。

嗯,我知道這是個「刺激」的話題

攻殼式Firefox宣傳片

好一段 狐の嫁入り,不知道的話,還以為在看 Stand Alone Complex 呢。

其他影片也做不錯,很多都很有趣。

相關連結:
2007 日本 Get Firefox 影片大賽 - 柏強的城市探險記

2007-12-20

格鬥遊戲的取消系統來由

幾年前的一段對話:

貓:知唔知格鬥 GAME 既 Cancel 最初係點黎?

友人:點黎?

貓:bug黎嫁咋

2007-12-19

暈浪前傳

上年11月4號,食完煎蘿蔔榚就出發北上(準確黎講係西北上)去有趣姨度住幾日。

之前o個晚訓得唔係咁好,訓左四個鐘就起左身,諗住係巴士訓番陣,點知上左巴士無耐就覺得唔對路,埋站、出站、停車、開車o個下搞到我好唔舒服,個司機連踩油、踩brake都唔識,下下踩到盡都唔知為咩,搞到成架車仲搖過海盜船。

係咁既情況下我梗係訓唔到喇,終於係又暈車浪又眼訓又訓唔到既情況下去到美孚站,諗緊落唔落車好呢?如果唔落車就要出到屯門先有得落,但係應該頂得住掛。我萬萬估唔到之後既辛苦程度會係幾何級數咁上升...

我已經諗定要犧牲邊件衫包住黎嘔,仲諗定之後點應對其他乘客。有樣野好好彩,就係我隔離係無人坐既,所以我成程車係度典下典下都無人理。我一路典一路諗埋d一一如一、貓貓如貓分散自己注意力,可見我已經進入左一九九九既狀態。當時,我腦海浮現出彩虹既一首歌名... Killing Me 啊~!殺左我把喇~~!

終於典到望到格仔旗,離遠見到屯門既建築物喇!但係愈近屯門架車就行得愈慢,唔係嘛?竟然望到深培先黎塞車?!結果,我有史以黎第一次望住深培咁耐。

落車行左幾步之後,都係o係天橋度嘔左出黎。

事實上,到走o個日,都仲係唔係幾舒服。

真係好貓式既一篇

相關連結:
Lost in Blue
Lost in Blue 1.5
Lost in Blue 2

OCG的六武衆要掘起了

六武衆の師範終於要降臨OCG世界了

相關連結:
遊戯王 ジャンプフェスタ2008出展情報

問彩虹歌名

幾年前的一段對話:

友人:個 MV d人唔著衫係邊首?

貓:你淨係留意d人有無著衫既姐= =

2007-12-18

選男做女

很多時玩遊戲都會被迫選擇女角色,除了技能上的因素外,最主要原因是,男角實在太醜了。

2007-12-10

精神小說

記得有次找彩虹的相關時找到一篇文章。當時我看著看著,愈看愈感奇怪,為何會是第一身角度的?為何會有奇怪的想法?

拉下點一看...靠!精神污染啊~~~!

相遇

在兆山的某個下午,有個觸電般相遇。

去玩耍的途中,發現有個人擋路,抬頭一望就跟他四目交投,剎那間,有種說不出的感覺,像碰到認識的人般,從他的表情來看,他亦有類似的感覺。

這數秒,已足夠我記住他了。當時,我就覺得將會跟他成為朋友。

(提示:這並非BL小說,請安心閱讀)

這發生在一年級,亦只能發生在那個年紀。如果發生在兩個十六歲的人身上,就不會是交友經過了,恐怕對話的開頭和結尾將會是「啤咩呀o靚仔?」及「你企定係度唔好走呀!」

2007-12-09

回收

之前跟友人的對話:

友人:睇左我 send 俾你段片未?

貓:已經拎左去回收鳥

貓:垃圾桶就垃圾桶喇,資咩鬼源回收筒啊,九唔搭八。
可能d人唔知,以為丟落去就會還俾番人。
咁世上再無非法下載,d人一早還番俾佢地,係佢地收唔到姐